هلمند؛ ناوې ولسوالۍ کې د لسو لوبډلو ترمنځ د ټېپ بال کرېکټ سیالۍ پيل شوې
د هلمند ولايت د بدني روزنې او ورزش آمريت اړوند د ټېپ بال کرېکټ فدراسیون د استازولۍ له لوري د ياد ولايت په ناوې ولسوالۍ کې د لسو لوبډلو ترمنځ د ټېپ بال کرېکټ سیالۍ پيل شوې.
د يادو سياليو پايلوبه د خوشحال بارک او بارگزايي لوبډلو ترمنځ وشوه، د لوبې پچه ناوې بارگزايي لوبډلې وگټله او لومړی يې د توپ وهنې پرېکړه وکړه، چې په ټاکلو ۱۲ اورونو کې يې خپلې سيالې لوبډلې ته د ۱۷۹ منډو هدف وټاکه، په ځواب کې خوشحال بارک لوبډلې د ټولو اورونو په لوبولو سره ۱۴۵ منډې وکړې او لوبه يې د ۳۳ منډو په توپير وبايلله.
دا سيالۍ د ځوانانو لپاره د سالمې تفريح برابرولو په موخه وشوې، چې شاوخوا ۲۰ ورځې يې دوام وکړ.
