هلمند؛ ناوې ولسوالۍ کې د ټېپ بال کرېکټ سيالۍ پای ته ورسېدې
د هلمند ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د ناوې ولسوالۍ په هزارسپ سيمه کې د ۱۲ لوبډلو ترمنځ د ټېپ بال کرېکټ گروپي سيالۍ د پوپل ورونو لوبډلې په اتلولۍ پای ته ورسېدې.
د يادو سياليو پايلوبه د پوپل ورونو او هلمند ستورو لوبډلو ترمنځ وشوه، د لوبې پچه پوپل ورونو لوبډلې وگټله او لومړی يې د توپ وهنې پرېکړه وکړه، چې په ټاکلو ۱۲ اورونو کې يې خپلې سيالې لوبډلې ته د ۲۱۴ منډو هدف کېښود، په ځواب کې هلمند ستورو لوبډلې ياد هدف ترلاسه نه کړ او لوبه يې وبللله.
دا سيالۍ د ځوانانو لپاره د سالمې تفريح برابرولو په موخه وشوې، چې شاوخوا يوه مياشت يې دوام وکړ.
