هلمند؛ په نادعلي ولسوالۍ کې د ۱۶ لوبډلو ترمنځ د ټېپ بال کرکټ سیالۍ پای ته ورسېدې
د هلمند ولایت د بدني روزنې او ورزش آمریت اړوند د ټایپ بال کرکټ فدراسیون د استازولۍ له لوري د ياد ولايت نادعلي ولسوالۍ کې د ۱۶ لوبډلو ترمنځ د ټېپ بال کرکټ سیالۍ، چې درې اوونۍ وړاندې پيل شوې وې پای ته ورسېدې.
د یادو سیالیو پایلوبه د کابل بازانو او حاجي سلطان نورزي لوبډلو ترمنځ ترسره شوه، په پيل کې توپ وهنه حاجي سلطان نورزي لوبډلې وکړه او په ټاکلو ۱۰ اورونو کې یې سيالې لوبډلې ته ۱۸۸ منډې هدف کېښود، د لوبې په دويمه پاڼۍ کې کابل بازانو لوبډلې د ټولو لوبغاړو په زیان ۱۰۷ منډي وکړې او د ۸۱ منډو په توپیر يې ماتې وخوړه.
