هلمند؛ په نادعلي ولسوالۍ کې د ۲۰ لوبډلو ترمنځ د فوټبال شپنۍ سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د ياد ولايت د نادعلي ولسوالۍ په چانجیر فوټبال حوزه کې د ۲۰ لوبډلو ترمنځ د رمضان جام په نوم د فوټبال شپنۍ سيالۍ، چې درې اوونۍ مخکې پيل شوې وې د حاجي طالب لوبډلې په اتلولۍ پای ته ورسېدې.
د دغو سياليو په پايلوبه کې د حاجي طالب لوبډلې خپلې سیالې چانجیر لېسې لوبډلې ته د ۱/۰ ګولونو په توپير سره ماتې ورکړه او اتلولي يې وګټله.
د يادو سياليو موخه د ځوانانو ترمنځ يووالی رامنځته کول وو.
