هلمند؛ په ګرمسیر ولسوالۍ کې د ۱۶ لوبډلو ترمنځ دفوټبال ګروپي شپنۍ سیالۍ پیل شوې
د هلمند ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت د ګرمسیر ولسوالۍ په همت افغان ورزشي لوبغالي کې د رمضان جام په نوم د ۱۶ لوبډلو ترمنځ د فوټبال ګروپي شپنۍ سیالۍ پیل شوې.
د دغو سياليو لومړۍ لوبه د خاد افغان او اباسين لوبډلې ترمنځ ترسره شوه، چې په پايله کې ۲/۲ مساوي پای ته ورسېده.
د يادو سياليو موخه ځوانانو ته د يوې سالمې تفريح برابرول دي، چې د روژې مياشتې تر ۲۸ پوري به دوام وکړي.
