هلمند؛ په ګرمسېر ولسوالۍ کې د فوټبال سیالۍ پيل شوې
د هلمند ولایت د بدني روزنې او ورزش امریت اړوند فوټبال فدراسیون په همکارۍ د ګرمسېر ولسوالۍ په ځنځیر بازار کې د اتو لوبډلو ترمنځ د فوټبال غوره لیګ سیالۍ پیل شوې.
د دغو سیالیو لومړۍ لوبه د بلوچ او ځنځير مرکزي لوبډلو ترمنځ ترسره شوه، چې په پای کې له یوې په زړه پورې سیالۍ وروسته په یوه ګول مساوي پای ته ورسېده.
هېره دې نه وي، چې دغه سیالۍ د لیګ په شکل ترسره کېږي او یوه نیمه میاشت به دوام وکړي.
