هلمند؛ ګرمسیر ولسوالۍ کې د ۲۰ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت په ګرمسیر ولسوالۍ کې د ۲۰ لوبډلو ترمنځ د فوټبال سیالۍ د همت افغان لوبډلې په اتلوي پای ته ورسېدې.
د یادو سیالیو پایلوبه کې همت افغان لوبډلې د ۴ پر صفر ګولونو په توپیر خپلې سیالې تور غونډۍ اتلانو لوبډلې ته ماتې ورکړه او د سیالیو اتلولي یې وګټله.
دا سیالۍ د ځوانانو لپاره د سالمې بوختیا په موخه ترسره شوې، چې درې اوونۍ یې داوم وکړ.
