هلمند؛ گرمسېر ولسوالۍ کې د فوټبال غوره ليگ درېيم پړاو سيالۍ پېل شوې
د هلمند ولايت د بدني روزنې او سپورټ آمريت اړوند د فوټبال فدراسیون د استازولۍ له لوري په گرمسېر ولسوالۍ کې د ۱۲ لوبډلو تر منځ د فوټبال غوره ليگ درېيم پړاو سيالۍ پېل شوې.
د يادو سياليو لومړۍ لوبه د يولس اتلانو او حاجي درويش لوبډلو تر منځ ترسره شوه، چې په پايله کې سيالي ۱/۱ مساوي پای ته ورسېده.
دغه سيالۍ چې شاوخوا څلور اوونۍ به دوام وکړي، موخه يې د ځوانانو تر منځ يووالی او ورزش ته د ځوانانو هڅول ياد شوي دي.
