هلمند کې د غېږنیونې سیالۍ وشوې
په هلمند ولایت کې په اتو لوبډلو کې د ۱۵۳ لوبغاړو تر منځ د غېږنیونې لوبې وشوې، چې په دوه ډلو کې دوه ورځې روانې وې.
په دغو سیالیو کې د نهو ولایتونو لوبغاړو ګډون کړی و، چې د المپیک ملي کمېټې او ورزش ریاست د پلاوي په شتون وشوې.
د المپیک ملي کمېټې او ورزش انجینر نظرمحمد مطمئن د پایلوبې مرسمو کې ګډون وکړ او خوښي یې وښوده، چې د سولې او اسلامي نظام په راتګ سره په ولایتونو کې ورزش وده کړې ده او ډلې ډلې ځوانان د امن او وروروۍ په فضا کې ورزش کوي.
د یادو سیالیو د غېږنیونې دودیزې لوبې وده او د ملي لوبډلې لپاره د لوبغاړو ټاکنه یاده شوې ده، چې ملي لوبډلې ته ۶۸ لوبغاړو ټاکل کېږي.
