هوالباقي
په ډېرې خواشينۍ سره مو خبر ترلاسه کړ، چې د فوټبال ملي فدراسیون ډایرکټر تخنیک او مدرس محمد حامد میوند دوه ورځې وړاندې په کورنۍ لانجه کې تر ټپي کېدو وروسته نن شپه وفات شوی او له فاني نړۍ څخه وکوچېد.
مرحوم محمد حامد میوند د هیواد د فوټبال له هڅاندو، زحمت کشو څېرو څخه و، کلونه ـ کلونه یې د فوټبال په برخه کې د هیواد بچیان او مربیان په صداقت سره روزلي دي او په دې برخه کې یې نه ستړې کېدونکې هلې ـ ځلې کړې دي.
د ورزش ادارې رهبري د نوموړي مړینه د افغانستان د فوټبال او د هیواد د ورزش لپاره ستره ضایعه بولي، د نوموړي د مړينې له کبله د ده کورنۍ، دوستانو او د ورزش ټولو غړو ته تسلیت وایي. له الله تعالی څخه نوموړي ته د جنت الفردوس او کورنۍ ته یې د جميل صبر غوښتنه کوي.
