ورزشکارانو ته دې په ورزشي او علمي برخو کې پام وشي
نعيم پرهېز
چهار شنبه، مرغومی7، 1400
ننګرهار کې ورزشکارانو ته د پاملرنې په نوم غونډه جوړه شوې وه چې د دې لایت د ګڼو ولسوالیو ورزشکارانو او ورزش مسؤلینو په کې ګډون کړی ؤ.
یادې غونډې ته یاد ولایت د بدني روزنې او ورزش رئيس نور احمد حبیبي وویل: د ولسوالیو ورزشکارانو ته دې په علمي او ورزشي برخو کې جدي پاملرنه وشي ترڅو په علمي برخه کې هم لاسته راوړنې ولري.
د هغوی ترمنځ په یووالي او همغږۍ يې هم ټينګار وکړ.
هغه د دې ولایت د ولسوالیو د ورزشکارانو ترمنځ په يوالي او همغږۍ د ټينګار ترڅنګ له مسولینو وغوښتل چې د ورزشکارانو د تشويق او هڅونې په پار دې د ورزش په معیاري فعالیتونو کار وکړي او د ولسوالیو په کچه دې ورته سیالۍ جوړې کړي.
دغه راز د دې غونډې پرمهال د ولسوالیو د ورزش مسولینو او ورزشکارانو د خپلو لاسته راوړنو ترڅنګ د ځينو ستونزو د حل غوښتنه هم وکړه.
هېره دې نه وي چې د غونډې په پای کې د یاد ولایت د بدني روزنې او ورزش د رئيس له لوري ورته د ستونزو د حل په موخه د همکارۍ او مرستې ډاډ ورکړل شو.
