پروان؛ سرخ پارسا ولسوالۍ کې د ۲۳ لوبډلو ترمنځ د فوټبال دويم پړاو سيالۍ پای ته ورسېدې
د پروان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په سرخ پارسا ولسوالۍ کې د ځوانانو د شورا جام په نوم د ۲۳ لوبډلو ترمنځ د فوټبال دويم پړاو سيالۍ، چې څو ورځې مخکې پیل شوې وې د اتحاد شيخه لوبډلې په اتلولۍ پای ته ورسېدې.
د دغو سياليو په پايلوبه کې اتحاد شيخه لوبډلې خپلې سیالې خاطير بابه لوبډلې ته د ۳/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټبال لوبو ته وده ورکول او د ځوانانو هڅول و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
