پروان ؛ شینوارو ولسوالۍ کې د اتو لوبډلو ترمنځ د والیبال سیالۍ پای ته ورسېدې
د پروان ولایت د بدني روزنې او ورزش امریت اړوند د والیبال فدراسیون استازولۍ له لوري په شینوارو ولسوالۍ کې د رمضان جام په نوم د اتو لوبډلو ترمنځ د والیبال سیالۍ د جوانان تیکمر لوبډلې په اتلولۍ پای ته ورسېدې.
د دغو سیالیو پایلوبه کې د جوانان تیکمر لوبډلې خپلې سیالې جوانان خاسنګورا لوبډلې ته د ۳/۱ میدانونو په توپیر ماتې ورکړه او اتلولي یې خپله کړه.
د یادو سیالیو موخه ورزش ته د ځوانانو هڅوول او یووالی رامنځته کول وو.
د سیالیو په پای کې د ورزش مسوولینو له لوري غوره لوبډلې ته کپ او غوره لوبغاړو ته د چمتو شوي مډالونه ورکړل شول.
