پروان کې د ۱۲ لوبډلو ترمنځ د فوټسال سیالۍ د معرفت لوبډلې په اتلولۍ پای ته ورسېدې
د پروان ولایت د بدني روزنې او ورزش امریت له لوري د ۱۲ لوبډلو ترمنځ د فوټسال رمضان سیالۍ، چې ۲۰ ورځې وړاندې په نمبر یک ورزشي جمنازیوم کې پیل شوې وې د معرفت لوبډلې په اتلولۍ پای ته ورسېدې.
د دغو سیالیو پایلوبه کې د معرفت لوبډلې خپلې سیالې نمبریک لوبډلې ته د ۶/۲ امتیازونو په توپیر ماتې ورکړه او اتلولي یې خپله کړه.
د یادو سیالیو موخه د رمضان مبارکې میاشتې نمانځل و.
د سیالیو په پای کې د پروان ورزشي امریت له لوري غوره لوبډلې ته کپ او غوره لوبغاړو ته چمتو شوي مډالونه او ستاینلیکونه ورکړل شول.
