په ایران کې د میشتو افغان کډوالو د پریزبي غوره لیګ څلورم پړاو پای ته ورسېد
د ایران هېواد په البرز محمد شهر ښار کې د افغان کډوالو د ۴ لوبډلو ترمنځ د فریزبي غوره لیګ څلورم پړاو سیالۍ پای ته ورسیدې.
دغه سیالۍ د افغانستان د فريزبي ملي فدراسيون، د ایران مېشتو کډوالو د فريزبي کمېټې او د البرز ولايت د مهاجرينو د کلتوري او ورزشي شورا له لوري، د افغانستان د سپورت ریاست او المپيک ملي کميټې د استازولۍ په همغږۍ ترسره شوې.
په پای کې د شاهین شرق لوبډلې د سیالیو اتلولي، البرز لوبډلې دویم، او اتحاد لوبډلې د دې پړاو درېیم مقام خپل کړ، محمد ګلشاهي د ډيرو پاسونو په ورکولو سره د غوره پاسوان،صادق ابراهیمي د غوره بلاکر او حسین د غوره ګول وهونکي په توګه وپېژندل شو.
د یادونې وړ ده چې ویس وحیدي په خورا ښه لوبېدو سره د لیګ د غوره لوبغاړي لقب ترلاسه کړ.
