په بغلان کې د والیبال سیالۍ پای ته ورسیدې
د بغلان ولايت د ورزشي مسوولينو د معلوماتو له مخې، دغه لوبې د تېر کال د کب په ٢١مه د دغه ولايت په ورزشي جمنازيوم کې د بغلان د لسو غوره ټيمونو ترمنځ پيل شوې وې چې د عمري کمانډو ټيم په بريا سره پاى ته ورسېدې.
د لوبو د پیلولو موخه د غوره لوبغاړو پیژندل ویل شوي دي.
د يادونې وړ ده چې دغه لوبې د بغلان ولايت د چارواکو ،مج.اهدینو، مشرانو او ورزشکارانو په شتون کې ترسره شوې او په پای کې د دهنه غوري ولسوالۍ ټيم دویم مقام ترلاسه کړ.
د دغو سیالیو په پای کې غوره لوبډلو ته کپونه، مډالونه او ستاینلیکونه ورکړل شول.
