په خوست ولايت کې د "شېر تڼي" په نوم د ټېپ بال کرکټ سيالۍ پای ته ورسېدې
د خوست د بدني روزنې او سپورټ آمريت لخوا په تڼيو ولسوالۍ کې د شېر تڼي په نوم د ټېپ بال کرکټ سيالۍ چې څو اوونۍ مخکې د ۷۰ لوبډلو په گډون پېل شوې وې، د ډګر لوبډلې په اتلولۍ پای ته ورسېدې.
د یادو سیالیو د پای په مراسمو کې د ياد ولايت د سپورټ آمر، د ولسواليو د کرکټ مسؤلانو، مشرانو او د کرکټ مينوالو برخه اخيستې وه.
د سياليو پايلوبه د ډگر او احسان سټارز لوبډلو تر منځ ترسره شوه، د لوبې پچه ډگر لوبډلې وگټله او لومړی يې د توپ وهنې پرېکړه وکړه، چې په ټاکلو ۹ اورونو کې يې د ۳ لوبغاړو په سوځېدو سره د ۱۳۹ منډو هدف مخالفې لوبډلې ته ورکړل، احسان سټارز لوبډلې د ټولو لوبغاړو په سوځېدو سره ۴۹ منډې جوړې کړې، چې په دې توگه ډگر لوبډلې ۱۰۹ منډو په توپير پایلوبه په خپل نوم کړه، د لوبې په پای کې غوره لوبغاړو ته کپلونه ورکړل شول.
د يادونې وړ ده چې د يادو سياليو موخه، ټولو ولسواليو ته د منتخبو لوبډلو جوړول و.
