په خوست کې د فوټسال رمضان جام سياليو په دوام دوه سيالۍ ترسره شوې
د خوست ولايت د اماني ملي لوبغالي ترڅنګ په سرپټي میدان کې د فوټبال فدراسیون له لوري په لومړي ځل د فوټسال پیل شویو رمضان جام سیالیو په دوام دوه سيالۍ ترسره شوې.
په لومړۍ سيالي کې د غرغښت کلب لوبډلې نورالرحمن ګلاب زوی لوبډلې ته په پنځو ګولو ماتې ورکړه او بريا يې خپله کړه.
په دویمه سيالي کې ملګرو کلب لوبډلې له ګلاب سرحدي کلب لوبډلې سره سيالي وکړه او په پايله کې ملګرو کلب لوبډلې خپلې سيالې لوبډلې ته د ۷_۲ ګلونو په توپير ماتې ورکړه او سيالي يې وګټله.
د فوټسال په نوموړي ټورنمنټ کې ۳۰ لوبډلو ګډون کړی او تر راتلونکي کوچني اختر پورې به دوام وکړي.
