په خوست کې د ۱۵۰ ورزشکارانو ترمنځ د واکو کيوکوشين کراټې شپږم پړاوی سيالۍ ترسره شوې
د خوست ولايت د بدني روزنې او ورزش امريت اړوند کراټې فدراسيون په چوکاټ کې د نهو کلبونو د ۱۵۰ ورزشکارانو ترمنځ د واکو کيوکوشين کراټې شپږم پړاو سيالۍ ترسره شوې.
د دغو سياليو په پايله کې افغان کلب د ۱۷ مډالونو په ګټلو لومړی، اتلان کلب د ۱۵ مډالونو په ګټلو دويم او مرکزي کلب د ۱۱ مډالونو په ګټلو سره درېیم مقام خپل کړ.
دغو سياليو یوه ورځ دوام وکړ او په پای کې غوره ورزشکارانو ته کپونو، مډالونه او د قهرمانۍ حکمونو ورکړل شول.
