په غزني ولایت کې د والیبال سیالۍ پیل شوې
د غزني د ورزش امريت د واليبال فدراسيون سره په همغږۍ د پنځو ورځو لپاره د دغه ولايت په ورزشي جمنازيوم کې د واليبال د ملي جام سيالۍ په لاره واچولې.
په دغو سیالیو کې له مرکز څخه ۱۰ الف لوبډلې ګډون لري، چې د دغو سیالیو له پیلولو یې موخه د دغه ولایت غوره شوې لوبډلې ته د غوره څېرو ور پېژندل دي.
د دغو سیالیو په پرانیسته کې د غزني ولایت د سپورټ مسوولینو او د دغه ولایت یو شمېر مشرانو برخه اخیستې وه او د والیبال لوبه یې له نږدې وکتله.
