په لغمان کې د لسو لوبډلو ترمنځ د فوټبال سیالۍ پیل شوې
د لغمان ولایت د بدني روزنې او ورزش امریت په لارښوونه د فوټبال فدراسیون په همکارۍ د ازادۍ د ورځې په مناسبت د لسو لوبډلو ترمنځ د فوټبال سیالۍ پیل شوې.
د دغو سیالیو لومړۍ لوبه د اریانا کلب او قرغه یي ځوانانو لوبډلو ترمنځ ترسره شوه، چې په پایله کې اریانا کلب لوبډلې خپلې سیالې لوبډلې ته د ۳-۰ ګولونو په توپیر ماتې ورکړه او بریا یې خپله کړه.
هېره دې نه وي چې دغه سیالۍ د لغمان ښار اړوند قلعه سراج باغ په ورزشي لوبغالي کې ترسره کېږي او ۲۳ ورځې به دوام وکړي.
