په لوګر کې په رسمي ډول د اسکيت فدراسيون پرانيستل شو
په لوګر ولايت کې د اسکيت فدراسيون چې د ۱۴۰۱ کال څخه راپه دېخوا يې فعاليت پيل کړی و، نن ورځ د ياد ولايت د ورزشي امر، د افغانستان اسکيت ملي فدراسيون رييس، د نوموړي ولايت د اسکيت فدراسيون مسولينو په ګډون رسما پيل او محمد رشاد صمدي د ياد فدراسيون د رييس په توګه وټاکل شو.
د يادو مراسمو په پای کې د نوموړي ولايت او همدارنګه د کابل او خوست ولايتونو په ګډون د يادې رشتې ورزشي نندارې ترسره شوې.
هېره دې نه وي چې د دغو ورزشي نندارو موخه د نويو ځوانانو او ځوانانو ترمنځ د اسکيت فدراسيون وده او پرمختګ ياد شوی دی.
