په مرکز ښرنه کې د والیبال اختریزې سیالۍ نن د یاران لوبډلې په ګټه پای ته ورسېدې.
د پکتیکا ولایت مرکز ښرنې سولې پارک کي د والیبال اختریزې سیالۍ چې د دې ولایت ورزشي چارو آمریت له لوري په لاره اچول شوې وې، د مرکز او بېلا بېلو ولسوالیو دېرشو لوبډلو په کې برخه لرله او پای لوبې ته یې د یاران او کوټوالو د نوروز لوبډلې وتلې وې چې یاران لوبډلې درې په مقابل ده صفر د دغو سیالیو اتلولې د ځان په نوم کړه.
د پکتیکا ولایت د بدني روزنې او ورزشي چارو امر ډاکټر عثمان سیرت وویل: دوی تل هڅه کوي چې د ځوانانو لپاره په بېلابېلو برخو کې سیالۍ برابری کړی.
سیرت زیاته کړه: د لوبو په برخه کې به شته ستونزې او نیمګړتیاوې له منځه وړي او ځوانان به دې ته هڅوي څو خپلې لوبې په بشپړ شوق او ذوق ترسره کړي.
نوموړي وویل: د والیبال دغه سیالۍ چې د اختر په مناسبت جوړې شوې وې، د مرکز او بېلا بېلو ولسوالیو دېرشو لوبډلو په کې برخه لرله.
نوموړي وویل: د چهارشنبي په ورځ د یوسف خیلو په ولسوالی کي هم د ورزشي چارو اداري لخوا د ولایت په سطحه د والیبال سیالۍ پیلیږي.
د یادونې ده چې څو ورځې وړاندې هم یاران لوبډلې د غزني ولایت میري سیمه کې د والیبال اختریزو سیالیو د بریا کپ د ځان په نوم کړی و.
