په ننګرهار ولايت کې د واليبال سيالۍ د کفايت لوبډلې په اتلولۍ پاى ته ورسيد .
په ننګرهار ولايت د اتحاد لوبډلې په کوربتوب د ٢٢ لوبډلو ترمنځ چې پکې د اتو ولايتونو د واليبال ټيمونه هم برخه اخستې وه ، د واليبال دوستانه سيالۍ د کفايت لوبډلې په اتلولۍ نن د جمعې په مبارکه ورځ د سلګونو هيوادوالو په حضور کې پاى ته ورسيد .
ياد سيالۍ چې د اتحاد لوبډلې مشر مسيح الله له لوري جوړه شوې وه تخنيکې چاري يې د ننګرهار ولايت د واليبال فدراسيون مشر داکتر منير کوله ، چې د سولې او امن په فضاء کې پاى ته ورسيد .
د ننګرهار ولايت د بدني روزنې او المپيک رٸيس نوراحمد حبيبى د پاى لوبې په مراسمو کې د ګډون پرمهال د اړوندو مسٶلينو څخه مننه وکړه ، چې د ولسونو او ځوانانو لپاره د تفريح زمينه برابره کړه او ولسونو ته د امنيت او هيوادپالنې پيغام ورکړه ، ښاغلي حبيبى ورزشکاران د سولې سفيران ياد کړل او ورزشکارانو ته د لا سهولتونو د رامنځته کيدو ډاډ ورکړل .
د يادونې وړ ده چې تيره اوونۍ د ننګرهار ولايت د خراسان پوهنتون د واليبال لوبډله د شمال زون په سيالۍ کې کام اير لوبډلې ته په ماتي ورکولو سره د اتلولۍ جام پخپل نوم کړل .
