په ننګرهار کې د ۱۲ کلبونو ترمنځ د سنوکر سيالۍ پاى ته ورسېدې
د ننګرهار ولايت د بدني روزنې او سپورټ رياست له لوري د هېواد د خپلواکۍ دويمې کاليزي په مناسبت د دوولس کلبونو ٨٠ ورزشکارانو ترمنځ د سنوکر سيالۍ د ميوند په لومړي مقام ګټلو سره پاى ته ورسېدې.
دغو سياليو کې ، چې لس ورځې يې دوام وکړ، ذهين دويم او زلمي استاد درېيم مقام خپل کړ.
په پاى کې مقام ګټونکو ورزشکارانو ته کپونه، مډالونه، ستاینلیکونه او ورزشي جامې هم ورکړل شوې.
