په نیمروز کې د ۲۵ پهلوانانو ترمنځ د غېږنیونې سیالۍ ترسره شوې
د نیمروز د بدني روزنې او سپورټ امریت او د غېږنیونې فدراسیون له خوا د یاد ولایت د ریګستان په سیمه کې د ۲۵ پهلوانانو ترمنځ د غېږنیونې یوه ورځنۍ سیالۍ ترسره شوې.
یادې سیالۍ د نیمروز د مرکز زرنج ښار د پهلوانانو ترمنځ وې، چې د یاد ولایت د بدني روزنې او ورزش امر عبدالشکور نوابي ترڅنګ، یو شمېر نورو ورزشي مسوولینو، مخورو، ځوانانو، ورزشکارانو او ګڼو مینوالو پکې ګډون کړی وو.
د دې سیالیو موخه د دودیزو سیالیو وده، ورزش ته د ځوانانو هڅول، یووالی او د یو بل منل و.
په پای کې غوره لوبغاړي په بېلابېلو ډالیو ونازول شول.
