په هرات کې د پنځه لوبډلو ترمنځ د هاکي منتخبې لوبډلې ټاکنیزي سیالۍ پیل شوېنتخب هاکی بین پنج تیم در هرات آغاز شد
په هرات ولایت کې هاکي منتخبې لوبډلې ته د غوره لوبغاړو ټاکلو په موخه د هرات د بدني روزنې او سپورټ ریاست په همکارۍ د هاکي فدراسیون له خوا د پنځو لوبډلو ترمنځ په استقلال ورزشي جمنازیوم کې دويم پړاو ټاکنيزې سيالۍ پيل شوې.
دغه سیالۍ، چې یوه میاشت به دوام وکړي د « اديب، هريوا، غرب پوشان، اتلان او جامي » لوبډلې پکې ګډون لري .
د سیالیو په پیلیزو مراسمو کې د هاکي فدراسیون د استازي په ګډون، مخورو، ځوانانو، روزونکو، ورزشکارانو او مینوالو ګډون کړی وو.
د ټورنمنټ لومړنۍ سیالي د « ادیب او غرب پوشان» لوبډلو ترمنځ وشوه، چې له « ۳ – ۲» پایلې سره ادیب لوبډلې وګټله.
د یادو سیالیو په پایله کې به د هرات هاکي منتخبې لوبډلې ته ۱۸ غوره لوبغاړي وټاکل شي.
