په پکتیا ولایت کې د روژې مبارکې میاشتې په نامه ورزشي نندارې ترسره شوې
د پکتيا ولایت د بدني روزنې او سپورټ ریاست، د جمناسټیک او سکیټ فدراسیونونو په ګډه همغږۍ د روژې میاشتې تر نامه لاندې ورزشي نندارې ترسره شوې.
په همدې موخه په جوړو شویو مراسمو کې چې د پکتیا پوهنتون په ورزشي جمنازیوم کې جوړ شوي وو، د یادو فدراسیونونو مسولینو، ورزشکارانو او د ورزش ګڼو مینوالو برخه اخیستې وه.
ورپسې د جمناستیک او سکټ ورزشکارانو نندارچیانو او ګډونوالو ته د خپلې رشتې بېلابېلې سپورټي نندارې وړاندې کړې او د نندارچیانو له لوري په شور او ولولو تشویق شول.
نوموړې ورزشي نندارې د ورزشکارانو او ولس ترمنځ د اتحاد او یووالي فکر د ایجادولو په موخه ترسره شوې.
