په پکتیا کې د ازادۍ کپ تر عنوان لاندې د نیزې وهلو سیالیو لومړی پړاو پیل شو
دغه سيالۍ د افغانستان په سویل ختیځ کې د لوګر، خوست، غزني، پکتيا، پکتيکا، زابل او ميدان وردګو ولايتونو د ورزشکارانو په ګډون پیل شوي دي او موخه یې د ولايتونو د ورزشکارانو ترمنځ د پيوستون او له يو بل سره د دودونو تبادله ده.
له بلې خوا د دې لوبې په لومړيو کې د بدني روزنې او ورزش د عمومي رييس له خوا د دغه لوبو ميدان پرانيستل شو.
د یادولو وړ ده چې دا سیالۍ د ۲۸۰ لوبغاړو په ګډون پیل شوې چې څلور ورځې به دوام وکړي.
