په کابل کې د 3/3 باسکتبال سیالیو اووم پړاو ترسره شو.
د باسکتبال سیالۍ نن مرکز د باسکټبال د اتو ټیمونو څخه د ۳۲ تنو ورزشکارانو په ګډون د بدني روزنې او ورزش عمومي ریاست په ۵۰۰ کسیز جمنازیوم کې پیل شوې.
د باسکټبال د ملي فدراسیون سرپرست عبیدالله ارغندیوال په وینا، ورزشکاران چې د OPEN په کټګورۍ یادو سیالیو کې ګډون کړي د کابل غوره شوي ټیم ته لار پیدا کړي ټاکل شوې ده دا سیالی به دوه ورځې دوام پیدا کړي.
دغه سیالۍ د کابل منتخبې لوبډلې ته د غوره څېرو د پېژندنې په موخه ترسره کېږي او په پای کې به د ګډون کوونکو لوبغاړو له ډلې څخه څلور غوره لوبغاري کابل منتخبې لوبډلې ته وپېژندل شي.
