په کندز کې د فوټسال سیالۍ د عقابان لوبډلې په اتلولۍ پای ته ورسيدې
د کندز ولایت د ورزش ریاست او فوټسال فدراسیون له لوري د کندز، تخار او بغلان د ۱۸ لوبډلو ترمنځ د فوټبال سیالۍ د عقابان لوبډلې په اتلولۍ او د پیروزي لوبډلو په دویم مقام ګټلو سره پای ته ورسېدې.
دغه سیالۍ چې د کندز په سپین زر لوبغالي کې د سرې میاشتې په مالي ملاتړ ترسره شوې، د پای په مراسمو کې یې د کندز ورزش رئیس قاري عزت الله سینان، د ورزش مسؤولینو او ګڼ شمېر لیدونکو برخه اخیستې وه.
یادو سیالیو دوه میاشتې دوام وکړ او موخه یې د فوټسال ورزش ته وده ورکول، یووالی او د ځوانانو هڅول وو.
په پای کې پیاوړو لوبغاړو اولوبډلو ته کپونه ،مډالونه، ، ستاینلیکونه او ډالۍ ورکړل شول.
