په کندز کې د والیبال سیالۍ د بي ګروپ اتلانو لوبډلې و ګټلې
د کندز ولایت د بدني روزنې او ورزش ریاست او والیبال فدراسیون له لوري په ښاروالۍ ورزشي لوبغالي کې د ۸ لوبډلو ترمنځ د والیبال سیالۍ د بي اتلانو لوبډلې په اتلوۍ پای ته ورسېدې.
دغه سیالۍ د کندز ولایت په کچه د دوو ( اې او بي) ګروپونو د اتو لوبډلو ترمنځ ترسره شوې او یوه اوونۍ یې دوام وکړ، چې په پایلوبه کې د بي ګروپ اتلانو لوبډلې خپلې سیالې اې زرخرید لوبډلې ته د ۳-۲ میدانونو په توپیر ماتې ورکړه او اتلولي یې خپله کړه.
هېره دې نه وي چې د دغو سیالیو موخه د ورزشکارنو ترمنځ د تجربو شریکول او د ځوانانو لپاره د سالمې تفرېح چمتو کول وو.
