په کندهار کې د لسو ښوونځيو ترمنځ د فوټبال سيالۍ پای ته ورسېدې
د کندهار ولايت د بدني روزنې او ورزش ریاست له لوري د لسو ښوونځیو تر منځ د مولوي صالح محمد هوتک په نوم د فوټبال سیالۍ د ظاهر شاهي لېسې په لومړي مقام ګټلو پای ته ورسېدې.
دغو سياليو ۱۴ ورځې دوام وکړ او په پايلوبه کې د ظاهر شاهي لېسې لوبډلې خپلې سيالې سيدجمال الدين افغان لوبډلې ته په يوه ګول ماتې ورکړه او اتلولي يې خپله کړه.
هېره دې نه وي چې په پای کې غوره لوبډلو او لوبغاړو ته دورزشي مسوولينو له لوري کپونه، مډالونه او چمتو شوې ډالۍ ورکړل شوې.
