پکتيا؛ په احمد ابا ولسوالۍ کې د فوټبال ليګ سیالۍ د غورځنګ اتلانو لوبډلې په بريا پای ته ورسېدې
د پکتيا ولايت د بدني روزنې او سپورټ ریاست په همغږۍ د دې ولایت د فوټبال فدراسیون له لوري په احمد ابا ولسوالۍ کې د شپږو لوبډلو ترمنځ، د فوټبال د پیل شوي لیګ سیالۍ د غورځنګ اتلانو لوبډلې په بريا پای ته ورسیدې.
د دې سياليو پایلوبه د غورځنګ اتلانو او عیسی اتلانو د لوبډلو ترمنځ ترسره شوه، چې د ۲-۱ ګولونو په توپیر د غورځنګ اتلانو لوبډلې په اتلولۍ پای ته ورسېده.
د یاد لیګ موخه په ولسوالیو کې د فوټبال وده او پرمختګ و او دوه میاشتې یې دوام وکړ.
د سیالیو په پای کې ګټونکې لوبډلې ته یو عراده موټرسایکل د ډالۍ په توګه ورکړل شو.
