پکتيا؛ څمکنیو ولسوالۍ کې د ۳۰ ورزشکارانو ترمنځ د WTF تکواندو سيالۍ وشوې
د پکتيا ولايت د بدني روزنې او ورزش رياست اړوند د WTF تکواندو فدراسيون د استازولۍ له لوري د څمکنيو ولسوالۍ په مېوند کلب کې د ۳۰ ورزشکارانو ترمنځ د "مېوند" په نوم د WTF تکواندو څلورم پړاو سيالۍ وشوې.
په دغو سياليو کې ورزشکاران په الف او ب گروپ ویشل شوي وو، چې په پايله کې الف گروپ ورزشکارانو د ۱۸ امتيازونو په ترلاسه کولو سره لومړی مقام خپل کړ.
دا سيالۍ په يادې ولسوالۍ کې د WTF تکواندو ورزش ته د ودې ورکولو په موخه ترسره شوې، چې يوه ورځ يې دوام وکړ.
