پکتيا کې د څلورو ولایتونو ترمنځ د رزمي لوبو يوني فايټ سبک سيالۍ وشوې
د پکتيا ولايت بدني روزنې او ورزش رياست په همکارۍ او د رزمي لوبو فدراسيون د استازولۍ له لوري د ياد ولايت په مرکز گردېز ښار کې د څلورو ولایتونو ترمنځ د رزمي لوبو يوني فايټ سبک سيالۍ وشوې، چې يوه ورځ يې دوام وکړ.
په يادو سیالیو کې له زابل، کابل، کندهار او کوربه پکتيا ولايت څخه ۷۸ ورزشکارانو گډون کړی وو، چې په پايله کې پکتيا لومړی او کابل بيا دويم مقام خپل کړ.
د ويلو وړ ده، چې ۴۰ غوره پهلوانانو ته کپونه، مډالونه او ستاینلکونه ورکړل شول.
