پکتيکا؛ ارگون ولسوالۍ کې د ۲۲ لوبډلو ترمنځ د فوټبال سيالۍ پيل شوې
د پکتيکا ولايت د بدني روزنې او ورزش آمريت اړوند د فوټبال فدراسیون د استازولۍ له لوري د ارگون ولسوالۍ په پيرکوټي سيمه کې د ۲۲ لوبډلو ترمنځ د فوټبال سيالۍ پيل شوې.
د يادو سیالیو په لومړنۍ لوبه کې مصطفی پيرکوټيوال لوبډلې خپلې سيالې کوټ لوبډلې ته د ۱ پر ۰ گول په توپير ماتې ورکړه او بريا يې په خپل نوم کړه.
دا سيالۍ په يادې ولسوالۍ کې د فوټبال ورزش ته د ودې ورکولو په موخه ترسره کېږي، چې ۲۰ ورځې به دوام وکړي.
