پکتيکا؛ ارگون ولسوالۍ کې د ۷۰ ورزشکارانو ترمنځ د توان سبک سيالۍ وشوې
د پکتیکا ولایت د بدني روزنې او ورزش آمريت اړوند د رزمي لوبو فدراسيون د استازولۍ له لوري د لومړي ځل لپاره د ياد ولايت په ارگون ولسوالۍ کې له پنځو ولايتونو د ۷۰ ورزشکارانو ترمنځ د توان سبک سيالۍ وشوې، چې يوه ورځ يې دوام وکړ.
په يادو سياليو کې له غزني، لوگر پکتيا، ميدان وردگ او کوربه پکتيکا ولايتونو څخه ورزشکارانو گډون کړی وو، چې په پايله کې پکتيکا لومړی، پکتيا دويم او غزني درېيم مقام ترلاسه کړ.
ياده دې وي، چې د دغو سياليو موخه ورزش ته د ځوانانو هڅول وو او په پای کې د ارگون جيم او فري فايټ اکاډمي له لوري غوره ورزشکارانو ته مډالونه او ستاینلکونه ورکړل شول.
