پکتيکا؛ يوسف خېلو ولسوالۍ کې د نېزې وهنې سيالۍ تر سره شوې
د پکتيکا ولايت د بدني روزنې او سپورټ آمريت اړوند، د نېزې وهنې فدراسيون له لوري، د ياد ولايت په يوسف خېلو ولسوالۍ کې د ( يحی خېل، يوسف خېل، مش خېل، يحی خېل B او زاولو مرکز ) لوبډلو تر منځ د نېزې وهنې سيالۍ ترسره شوه.
په يادې سيالۍ کې يحی خېلو لوبډلې د ۴۸ نمرو سره لومړی، زاولو مرکز لوبډلې له ۴۴ نمرو سره دويم او د مش خېلو لوبډلې ۳۲ نمرو سره درېيم مقام تر لاسه کړ.
دغه سيالۍ، چې يو ورځ يې دوام وکړ، موخه يې ملي او دوديزو لوبو ته وده ورکول و.
په پای کې لوبډلو ته چمتو شوې ډالۍ ورکړل شوې.
