پکتيکا؛ يوسف خېلو ولسوالۍ کې د ۱۲ لوبډلو ترمنځ د نيزه وهنې سيالۍ وشوې
د پکتيکا ولايت د بدني روزنې او ورزش آمريت اړوند د وزلوبې، نيزه وهنې او سيمه ييزو لوبو فدراسيون د استازولۍ له لوري د ياد ولايت په يوسف خېلو ولسوالۍ کې د ۱۲ لوبډلو ترمنځ د نيزه وهنې سيالۍ وشوې.
د يادو سياليو په پايله کې گټواز الف لوبډلې د ۳۰ امتيازونو په خپلولو سره لومړی، گټواز ب لوبډلې د ۲۸ امتيازونو سره دويم او زاولو لوبډلې د ۱۸ امتيازونو سره درېيم مقام خپل کړ.
د ويلو وړ ده، چې د دغو سیالیو موخه ملي او دوديزو لوبو ته وده ورکول و او يوه ورځ يې دوام وکړ.
