پکتيکا؛ په ارگون ولسوالۍ کې د ۲۲ لوبډلو ترمنځ د فوټبال سيالۍ پای ته ورسېدې
د پکتیکا ولایت د بدني روزنې او سپورټ امريت اړوند د فوټبال فدراسیون د استازولۍ له لوري د ياد ولايت په ارگون ولسوالۍ کې د ۲۲ لوبډلو ترمنځ د فوټبال سيالۍ، چې ۲۰ ورځې مخکې پيل شوې وې د خانه دين لوبډلې په اتلولۍ پای ته ورسېدې.
د يادو سياليو پايلوبه خانه دين او اکا خېل لوبډلو ترمنځ ترسره شوه، چې په ټاکلي وخت سيالۍ ۲/۲ مساوي پای ته ورسېده، خو په پنالټيانو کې خانه دين لوبډلې سيالې لوبډلې ته د ۳ پر ۱ گولونو په توپير ماتې ورکړه او اتلولي يې په خپل نوم کړه.
د ويلو ده، چې د دغو سياليو موخه د ځوانانو ترمنځ يووالی رامنځته کول او په ليرې پرتو سيمو کې ورزش وده ورکول و.
