پکتيکا؛ په مرکز ښرنه کې د ۱۰ لوبډلو ترمنځ د ټېپ بال کرکټ سيالۍ پيل شوې
د پکتیکا ولایت د بدني روزنې او ورزش امریت اړوند ټېپ بال فدراسیون او کوټوالو ځوانانو له لوري د یاد ولایت په مرکز ښرنه کې د خپلواکۍ د ۱۰۴ مې کالیزې د په ویاړ د ۱۰ لوبډلو ترمنځ د ټېپ بال کرکټ لس اوریزې سیالۍ پیل شوې.
دغه سیالۍ چې شاوخوا ۱۵ ورځې به دوام وکړي د پیل لوبه یې د سلیم او انور لوبډلو ترمنځ ترسره شوه، لومړی توپوهنه سلیم لوبډلې وکړه او په ټاکلو ۱۰ اورونو کې یې سیالې لوبډلې ته ۱۳۳ منډې هدف کېښود، بل لوري ته انور لوبډله د یاد هدف په پوره کولو کې پاتې راغله او په ۱۴ منډو یې سیالي بایلوده.
هېره دې نه وي چې د یادو سیالیو موخه د ازادۍ د ۱۰۴ کالیزې لمانځه وه.
