پکتيکا کې د ۱۱ لوبډلو ترمنځ د نيزه وهنې سيالۍ پای ته ورسېدې
د پکتیکا ولایت د بدني روزنې او ورزش آمريت اړوند د وزلوبې، نيزه وهنې او سيمه ييزو لوبو ملي فدراسيون د استازولۍ له لوري د ياد ولايت په مرکز شرنه کې د ۱۱ لوبډلو ترمنځ د نيزه وهنې سيالۍ، چې يوه ورځ يې دوام وکړ د ظفر بابا لوبډلې په اتلولۍ پای ته ورسېدې.
د دغو سياليو په پايله کې ظفر بابا لوبډلې د ۱۱ امتيازونو په ترلاسه کولو سره لومړی او يوسف خېلو لوبډلې بيا د ۱۰ امتيازونو سره دويم مقام خپل کړ.
د ويلو وړ ده، چې د دغو سياليو په پای کې اتلې لوبډلې ته يو عراده موټرسايکل او نورو لوبډلو او غوره نيزه وهوونکو ته چمتو شوې بېلابېلې ډالۍ ورکړل سوې.
