پکتيکا کې د ۱۶ لوبډلو ترمنځ د واليبال سيالۍ پای ته ورسېدې
د پکتيکا ولايت د بدني روزنې او ورزش آمريت په همغږۍ، د واليبال فدراسيون د استازولۍ له لوري د ياد ولايت په مرکز ښرنه کې د ۱۶ لوبډلو ترمنځ د واليبال سيالۍ د امير ابوبکر لوبډلې په اتلولۍ پای ته ورسېدې.
د يادو سياليو په پايلوبه کې امير ابوبکر لوبډلې خپلې سيالې هارون لوبډلې ته د ۲-۰ ميدانونو په توپير ماتې ورکړه او اتلولي يې وگټله.
دا سيالۍ واليبال ورزش ته د ودې ورکولو او د ځوانانو د يووالي په موخه ترسره شوې، چې ۱۴ ورځې يې دوام وکړ.
