پکتيکا کې د ۱۹ لوبډلو ترمنځ د واليبال ټاکنيزې سيالۍ پيل شوې
د پکتیکا ولایت د بدني روزنې او ورزش آمريت په همکارۍ او د واليبال ملي فدراسيون له لوري د ياد ولايت په مرکز ښرنه کې د ۱۹ لوبډلو ترمنځ د واليبال ټاکنيزې سيالۍ پيل شوې.
د دغو سياليو په لومړۍ لوبه کې ځواک لوبډلې خپلې سيالې زاولو لوبډلې ته د ۲ پر صفر ميدانونو په توپير ماتې ورکړه او بريا يې خپله کړه.
د يادو سياليو موخه د پکتیکا ولایت منتخبې لوبډلې ټاکل دي، چې ۱۵ ورځې به دوام وکړي.
