پکتیا؛ د مرکز ګردېز ښار په زرګر کلا کې د فوټسال سيالۍ پيل شوې
د پکتیا ولایت د بدني روزنې او ورزش ریاست په مرسته د فوټبال فدراسیون فوټسال کمېټې له لوري د مرکز ګردېز ښار په زرګر کلا سيمه کې د ١٤ لوبډلو ترمنځ د فوټسال سيالۍ پيل شوې.
د دغو سياليو د پيل لوبه د اريانا او خور خېلو لوبډلو ترمنځ وشوه، چې ٥-٠ ګولونو په توپیر د اريانا لوبډلې وګټله.
دغه سیالۍ چې په ګروپي شکل ترتیب شوې يوه مياشت به دوام وکړي، چې موخه د فوټسال وده او پرمختګ دى.
