پکتیا؛ سیدکرم ولسوالۍ کې د ۴۰ ورزشکارانو ترمنځ د موتای سیالۍ ترسره شوې
د پکتیا ولایت د بدني روزنې او ورزش ریاست اړوند د موتای فدراسیون د استازولي له لوري د یاد ولایت د سیدکرم ولسوالۍ په اتحاد کلپ کې د ۴۰ ورزشکارانو ترمنځ د موتای دوستانه سیالۍ ترسره شوې.
دا سیالۍ د نویو ځوانانو، ځوانانو او لویانو ورزشکارانو ترمنځ ترسره شوې، چې په پایله کې یې ۲۰ تنو خپلو سیالانو ته ماتې ورکړې او لومړي مقامونه یې ترلاسه کړل.
دا سیالۍ د موی تای راتلونکو سیالیو ته د چمتو والي په موخه ترسره شوې، چې یوه ورځ یې دوام وکړ.
