پکتیا؛ په احمدابا ولسوالۍ کې د ۱۲ لوبډلو ترمنځ د فوټبال سیالۍ پای ته ورسېدې
د پکتيا ولايت د بدني روزنې او ورزش ریاست اړوند فوټبال فدراسیون د استازولۍ له لوري د یاد ولایت په احمدابا ولسوالۍ کې د ۱۲ لوبډلو ترمنځ د فوټبال لومړی پړاو دوراني سیالۍ د رود احمدزیو لوبډلې په اتلولۍ پای ورسېدې.
د دغو سیالیو په پایلوبه کې رود احمدزیو لوبډلې خپلې سیالې شاهین اتلانو لوبډلې ته ۶-۲ ګولونو پر توپير ماتې ورکړه او اتلولي يې خپله کړه.
هېره دې نه وي چې د یادو سیالیو موخه د احمد ابا ولسوالۍ په کچه د غوره ورزشکارانو موندل وو، چې نيږدې یوه میاشت یې دوام وکړ او په پای کې غوره ورزشکارانو ته چمتو شوې ډالۍ او اتلې لوبډلې ته ۵۰۰۰ افغانۍ ورکړل شوې.
