پکتیا؛ په احمد خېلو ولسوالۍ کې د امن په نوم د والیبال سیالیو اتلولي ظاهرشاه لوبډلې خپله کړه
د پکتيا ولايت په احمد خېلو ولسوالۍکې د ۲۹ لوبډلو ترمنځ د امن په نوم د دواليبال سياليو اتلولي ظاهرشاه لوبډلې خپله کړه.
د دغو سیالیو پایلوبه د ظاهرشاه او مسلم لوبډلو ترمنځ ترسره شوه، چې په پایله کې ظاهرشاه لوبډلې خپلې سیالې لوبډلې ته د ۳-۰ میدانونو په توپیر ماتې ورکړه او اتلولي یې خپله کړه.
دغو سیالیو چې ۱۲ ورځې یې دوام وکړ، موخه یې ورزش ته وده ورکول او د ځوانانو مصروف ساتل وو.
هېره دې نه وي چې په پای غوره لوبډلو او لوبغاړو ته چمتو شوې ډالۍ ورکړل شوې.
