پکتیا؛ څمکنیو ولسوالۍ کې ورزشي نندارې ترسره شوې
د پکتیا ولایت د بدني روزنې او ورزش آمریت په همغږي او د یاد ولایت د فول رزم فدراسیون د نمایندګي له لوري په څمکنیو ولسوالۍ کې د مرکز ګردېز او نورو ولسوالیو ورزش کارانو له لوري په بېلابېلو برخو کې ورزشي نندارې ترسره شوې.
په دغو ورزشي نندارو کې په غاښونو د سیخانو کږول، په خوله باندې د موټر کش کول، پر بدن باندې د موټر تېرول او نور... شامل و، چې د لیدلو لپاره یې د سیمې ګڼ شمېر اوسېدونکي، د څمکنۍ ولسوالۍ مسؤولان، ورزش کاران او د ورزش سلګونه مینوال ورغلي و.
دغه نندارې خلکو ته د ورزش کارانو د جسمي قوت او د سختيو په وړاندې د مقاومت ښودلو په موخه ترسره شوې، چې يوه ورځ یې دوام وکړ.
